New Dimension! Crayon Shinchan The Movie: Battle Of Supernatural Powers ~Flying Sushi~

40年前，大預言家諾齊丹馬士嘅鄰居．魯齊丹馬士留低咗一個預言：「喺20同23並列嘅年份，天空將會降下一道黑暗之光，以及一道小小白光。而擁有強大力量嘅黑暗之光，將會為世界帶嚟巨大嘅災難！」

時至2023年夏天，預言提及嘅光芒真係出現！等緊晚飯嘅小新被白光擊中，只要屁股用力，玩具便立即漂浮空中。而被黑暗之光所擊中嘅，竟然係生活非常不如意、運仔黑過墨斗嘅青年－非理谷充。慘到震嘅佢一夜間變成暗黑超能力者，決定用呢股力量向世界報復！

希望毀滅世界嘅 非理谷 VS 自由奔放無厘頭嘅 新之助，超能力大決戰即將揭幕！